السلام عليكم ورحمة الله وبركاته
هذي القصة حصلت لفتاة من القطيف وقد كانت في الرياض لغرض الدراسة وساكنة في سكن خارجي يعني تقدر تطلع وتدخل على كيفها في منطقة تسمى (( بين الجبلين ))
المهم ما أحب أطول عليكم كانت هذي الفتاة ساكنة مع مجموعة من الطالبات في شقة وابوها مطلق امها وكل واحد منهم تزوج واذا راحت البنت لأبوها يقول لها روحي لأمك واذا راحت لأمها تقول لها روحي لأبوك يعني كانت تعيش وسط جو اسري متفكك وهذا اللي ادى الى تصرفات منحرفة ..
البنات اللي كانوا ساكنين وياها لاحظو تغير في سلوكها فقد كانت ترسب في مواد ومعدلها الدراسي مرة منخفض وفجأة ارتفع معدلها وصارت تنجح في المواد ولا ترسب وبدأت تأثث غرفتها اللي ساكنة فيها واشترت لها كمبيوتر طبعا البنات ماشكوا فيها قالوا يمكن ابوها حن عليها وصار يصرف عليها ..
المهم .. في مرة قالت للبنات اللي وياها ان عمها حصل له شغل في الرياض وساكن في شقة فهي قررت انها تنام مع عمها هذا الاسبوع .. طبعا البنات ماقالوا شي وراحت ... طبعا البنت لاعندها عم ولا شي واصلا هي كانت متعرفة على أمير يصرف عليها وهو اللي حصل لها واسطة في الجامعة وكذا ارتفع معدلها ونامت معاه في هذا الاسبوع .... انتهت المدة ورجعت السكن لكن الطالبات اللي معاها حسوا انها كانت طالعة مع شاب من الاثار اللي لقوها في جسمها ... ضغطو عليها واعترفت البنت وقامت تبكي وتقول لهم انهم مايقدروا ظروفها وشلون امها وابوها مايبونها لكن وحدة من البنات قامت اخذت شنطة ثيابها ورمتها عليها وقالت لها ترجع من المكان اللي جت منه .... وبكل وقاحة وامام الطالبات اتصلت لهذا الامير علشان يجي لها وفعلا جا لها وانتظرها ووحدة من البنات نزلت تحت له وقامت تهزئها وهو جالس في السيارة الطويلة (( طبعا أمير )) بس شنو كانت ردة فعله ؟ بكل بساطة نفث في وجهها الدخان وقال لها (( أنا مستعد أجيبك انتي والبنات اللي ساكنين في هذا السكن كله ولا تنسوا انكم تحت جزمتى )) وبكل وقاحة نزلت البنت (( الله يستر عليها )) وركبت معاه وراحو ...
طبعا الحين هذي البنت متخرجة واتوظفت في بنك في الرياض والامير حاجز لها شقة في الفيصلية .. وأهلها ولا يدرون عن هوى دارها ...
مسكينة البنت ضاعت والسبب الأهل .......!!!!!!!!!!!!!!!!!!!
الله يستر عليناااااا وعليكم يارب
والله كل شيء جايز في هالزمن
ظهر الفساد في البر والبحر بما كسبت أيدي الناس
منقووووووول
الأحد سبتمبر 23, 2007 10:13 pm